Mare-Lee Louw

Gebakte broccoli-hoender
Genoeg vir 4 mense

Bestandele

250 g broccoli
15 ml (1 e) olyfolie
250 g sampioene, gehalveer
sout en vars gemaalde swartpeper
6 gaar hoenderborsies, in stukke gesny

Sous
1 blik (415 g) sampioenroomsop
125 ml (½ k) mayonnaise
15 ml (1 e) kerriepoeier
sout en vars gemaalde peper
125 ml (½ k) cheddarkaas, gerasper

1. Voorverhit die oond tot 180 ˚C.

2. Stoom die broccoli tot net gaar en hou eenkant.

3. Verhit die olyfolie in ’n pan en braai die sampioene tot gaar. Geur met sout en peper. Verwyder die pan van die hitte en roer die broccoli, sampioene en hoender bymekaar.

Metode
1. Meng die sampioensop, mayonnaise en kerriepoeier saam. Geur met sout en peper.

2. Sit die hoendermengsel in ’n groot oondbak en giet die sous oor.

3. Sprinkel die kaas oor en bak 15-20 minute tot goudbruin en gaar

Corna Cooke

HOENDERGEREG

16 Hoenderdye

1 koppie blatjang

1 koppie droe witwyn

1 koppie pitlose rosyne

1 t Tiemie

Geursel:  Sout hoender soos volg:

3 Eetl. Meelblom en 1 t kerriepoeier.  Sit in plastiese sakkie met hoender en skud goed sodat hoender bedek is.

Plaas die hoender in bak waarin sous reeds is.  Bak in oond in bedekte bak vir ongeveer 1 uur.  Draai stukke na 30 minute om.

 Bedien saam met basmatie rys en ‘n groenslaai.

Hierdie klink heerlik!

Elsa Gous

Hierdie is ‘n resep wat my ma met my gedeel het in die jaar wat ek begin werk het. Dit is so maklik en dit flop nie! Hierdie resep is ‘n lewensredder, veral vir daardie onverwagse gaste, of sommer maar net as jy nie tyd of lus het vir kosmaak nie. 

Maklike Tuna Quiche/Tert

Bestanddele:

2 blikke Tuna ( in sout water)

1 Pakkie wit uie sop

2 Eiers

1 koppie klein skulpies noodles (rou)

1 koppie melk

1 koppie gerasperde cheddar kaas

Speserye:

Rooi Peper

Mosterd Poeier

Aromat

Italiaanse Kruie

Fyn gekapte pietersielie

Metode:

1. Kook noodles totdat dit amper heeltemal gaar is.
2. In ‘n mengbak meng jy die volgende:

Tuna (met die water)

2 Eiers

Koppie melk

Uie sop

Kaas

Melk

Speserye na smaak. (mosterd poeier is beslis ‘n moet! En pietersielie laat dit baie mooi lyk)

3. Dreineer gaar noodles en voeg by mengsel in bak. Meng goed.
4. Plaas mengsel in ‘n groot tert bak wat gesmeer is of Spray and Cook. Plaas bak in voorverhitte oond teen 180°C vir ± 30 minute tot dit geset is.
5. Bedien warm of koud (Warm die lekkerste) met groente en/of slaai.

Variasies:

Ek kap somtyds sprietuie by, dit gee ‘n heerlike smaak.

‘n Mens kan ook rou mushrooms wat rofweg gekap is byvoeg.

Feta kaas en olywe is ook ‘n lekker afleiding by dit wees.

Enige iets is moontlik met hierdie basis resep, lekker net so of met ekstra’s!

Met liefde...

Liewe Lochie ondersteuners

Ek moet omverskoning vra vir die paar dae wat daar nie nuwe resepte opgesit is nie. Dinge gaan bietjie dol die week! Maar van volgende week af is ons weer volstoom aan die gang. So... wees gereed om weer lekker te eet!

Juf. Anker

Lekker hoender en bacon slaai

Hierdie is 'n slaai wat ek aanmekaar geslaan het toe ek besluit het dis tyd om meer gesond te eet. Moet erken... dit was heerlik! Die hoeveelhede in die resep behoor so 4 mense te voed.

Benodig:

• 4 Ontbeende Hoenderborsies opgesny in repe,
• 'n Pak Bacon (of twee - hang af hoe mal jul oor Bacon is!)
• Mushrooms
• Pakkie Cherrie tamatoes
• Blaarslaai 
• Feta
• olywe (soort is jou keuse)
• neute (cashews of en amandels)
• Franse brood

Sny die franse brood in stukkies. Sit 'n lagie Olyfolie op en sit in die oond om te grill. Braai die Bacon en mushrooms saam in 'n pan. Gebruik die orige bacon vet om die hoender te braai en geur na smaak ( ek het mixed herbs, bietjie suurlemoen sap en paprica gebruik.) Gooi al die bestandele saam! Haalbroodjies uit die oond wanneer hul 'n effense bruin kleur kry en bedien saam met die slaai. 

Balsamic vinegar is BAIE lekker saam met die slaai., Of enige ander slaaisous van jou keuse.

Geniet!

Juf. Colleen Dorfling

Tuna-pasta gereg

2 blikkies tuna

500g pasta rys (lyk soos ryskorrels)

1 ui

1 pakkie sampioene

1 houertjie vars room

1 koppie mayonnaise

Kaas

2 eiers

Broodkrummels (opsioneel)

2 koppies stir fry groente (opsioneel)

Bietjie botter en olyfolie

1.     Verhit die oond by 180◦.

2.    Kook die pasta tot amper sag.  Dreineer en gooi dit in oondbak.

3.    Dreineer die tuna en vlok dit liggies met ‘n vurk.

4.    Braai die uie en sampioene tot lig bruin in die die botter en olyfolie.

5.    Voeg die tuna en room by.

6.    Voeg die mengsel by die pasta en roer liggies deur.

7.    Klits die eiers en roer dit met ‘n vurk deur die pasta-mengsel.

8.    Stooi die broodkrummels en kaas in verskillende lagies.

9.    Bak in voorverhitte oond tot gaar en bruin.

10.  Dien op saam met ‘n heerlike somerslaai.

Juf. Charlene Steenkamp

Somer, slaai en sosaties!

Die somer sluip al hoe nader en vir die van julle wat die wintervetjies wil afskud, dis nou die tyd om slaai te eet! Gewoonlik gebruik ek alles wat ek in my yskas het vir die slaai. Vandag lyk hy só:

·         Kropslaai

·         Spinasieblare

·         Fetakaas

·         Tamaties

·         Komkommer :

* Gebruik jou kleinste koekiedrukker en druk vormpies uit die komkommerstukkies – ek geniet dit altyd so en gaste is altyd verbaas en vra hoe het ek dit gemaak. Dis baie eenvoudig. Nodeloos om te sê, ek het vanaand oral na my hartjie koekiedrukker gesoek waarmee ek altyd my komkommerstukkies uitdruk en hy was net skoonveld!  Ek kon darem vir julle ‘n foto op die internet kry van ‘n blommetjie komkommer!

·         Wortels

·         Pynappel

·         Aarbeie

·         Gebraaide hoenderstukkies :

* Sny hoenderborsies in stukkies, doop in geklitsste eier en doop dan in Gold ‘n Crispy coating spice with Robertsons. (sien foto) Alternatief kan jy ook jou eie deegmengsel maak. Meng net meel en hoender- of steak en tjops speserye, dit werk net so goed. Braai dan in pan tot goudbruin. Maak seker die olie is warm voordat jy die hoenderstukkies insit.

Meng saam in groot slaaibak, sprinkel swartpeper en vars pietersielie bo-oor. Onthou van die lekker slaaisous! (Suthies slaaisous – resep hieronder)

Vir die kinders: Bedien die kinders se slaai in die vorm van sosaties, die kinders is mal daaroor. Gebruik net sosatiestokkies en sit groot stukke pynappel, komkommer, hoender en tamatie of aarbei daarop. Maklik, eenvoudig en gesond!

Vir die manne: Bedien die slaai met vars broodrolletjies of pitabroodjies, hummus en tzatziki. Die manne eet mos maar meer as ons dames. Ongelooflik vullend.

Probeer die heerlike slaaisous , wat jy kan geniet saam slaai, skyfies, hamburgers…enige iets! Ek het dit gekry van ‘n kosbare kollega in Pretoria. Sy het altyd vir my ‘n botteltjie gemaak. Toe ek na die Wes-Kaap verhuis, toe skryf sy die resep neer en nou moet ek dit maar self maak!

Suthies slaaisous

1 Bossie Pietersielie

½ Eetlepel knoffel

1 Klein uitjie – fyn gekap

½ Eetlepel gemengde speserye

½ Eetlepel mosterd

1 Bottel Mayonaise

2-3 Eetlepels suiker

·         Versap alles baie fyn. Laat afkoel.